الموضوع دا هندرس فيه الشعر الدمياطى
نبتدى
الشعر العربى عباره عن فخر :يعنى فشخره وكلام فارغ واحنا مش فاضين للكلام دا
او غزل : يعنى معاكسه وقله قيمه وقله ادب واحنا مش هنسيب مصلحتنا ونمشى ورا البنات
ياما هجاء : وانا مش بحب اجيب فى سيره الناس
ياما رثاء: وانا الصراحه زهقت ومش ناقصه نكد
اما الشعر الدمياطى فهو شعر الغباء
يعنى الحب بغباووووووووووووووووووووه
وهو شعر مشكل من دا على ده يعنى ربع فخر على نص غزل على شويه رثاء وبخمسه وسبعين هجاء
وشعر الغباء دا ملوش وزن واللى مش مصدقنى يوزن برا
ودلوقتى هقولكم مثال عن الشعر الدمياطى
ملحوظه : يجب قراءه الشعر بالطريقه الدمياطية
يقول الشاعر
رحتك فاحت فى الحته
بيقولوا ماشيه مع سته
سته سته ؟؟؟
عايزينى اسمحك ازاى وانا من عميلك هطلع من الجاكته
جيه تضحكى عليا وتقرتطسنى
فاكرنى عيل ببفته
دا انا ياما حبيتك وقلبتنى
دلوقتى بقتى بتحبينى
لا يا شيخ من امتى !!
قلتلك ظروفى صعبه
سبتنى وقمتى كاته
سبتنى علشان حته عيل بمكنه صينى
مركب رقبته على سوسته
وسبتنى علشان عيل هفأ
جابلك حواوشى وكفته
اخرجى من قلبى بقى
اخرجى من قلبى بقى
دمرتى حياتى وضيعتى هبتى
وخليتنى لفته
مش عايز اشوفك قدامى
مش عايز اشوفك فى الورشه
مش عايز اشوفك فى حته
ساكته ليه .... ساكته ليه !!
مش لقيه حاجه تقوليها
ولا اتخرصتى يا زفته
يا زفته يا زفته........................
نجى بقى لمواطن الجمال
عندنا اول حاجه رحتك فاحت فى الحته
رحتك فاحت فى الحته استعاره متينه تدل على ايه
على السمعه الطين
تانى حاجه
بيقولوا ماشيه مع سته
بحذر اى بنت انها تعمل كده ليه ؟؟
علشان كدة عيب و دى امكانيات
عندنا برضك ساكته ليه ؟؟
الشاعر هنا سابها مبهمه اسلوب استفاهم يعنى
سبها مبهمه علشان تشغلوا مخكوا
وهى بتدل على 3 حاجات
اول حاجه انها سامعه ومنطنشه
او
انها ملهاش عين تتكلم
او
ان البعيده طارشه
وبكدة خدنا قرص مكثف فى الشعر الدمياطى
بس خلاص كفايه كدة النهاردة
والى اللقاء فى موضوع اخر