في الغزو
قدام مني وقدام عيني......... راح اغلى صاحب ليا
سابني بجرحي ودمعي في عيني....... سابني وايدو في ايديا
واخر كلمه قالهالي ....... وصيه غريبه سابهالي
شال دبلتها من ايدو .... وقالى امانه وصلها
وقولها اني حبيتها ........ وعمري في لحظه مانسيتها
وكان نفسي يطول عمري .....علشان احلامنا نكملها
وفــــــــــــــــــــــــــــــــارق
وفارق بعدها وسابني ........ بجرح كبير معذبني
دموع قلبي بتبكي عليه ........ ياصحبي بعدت ليه عني
ومين اشكيلو اوجاعي ........ ولاقى قلبو بيساعي
يارتني كنت انا بدالك........... ورضيت بوداعها واوجاعي
انا مش عارف اعمل ايه ......... اروح لحبيبتو اقولها ايه
دا كان دنيتها وعنيها .......... وروحها بجد كانت فيه
كلامو كان كتير عنها ....... وعان رقيتها وحنانها
دي لو عرفت تروح فيها ....... على الغالي الي راح منها
وفـــــــــــــــــــــــــــــارق
مشيت وفي ايدي دبلتها ........... وخايف من مقابلتها
بقيت قلقان ومن حيرتي ..........وقفت عند باب بيتها
بقدم خطوه والتانيه ............. بترجع مني وفى ثانيه
ولما نويت وقولت خلاص ........ سمعت صراخ مالي الدنيا
وفـــــــــــــــــــــــــــــارق
جريت والخوف بيسبقني ........... اتاري الحزن جه سابقني
وجالها الخبر دا قبلي .......... وعرفت بس مش مني
سالت عليها اواسيها ......... قالولي دموعنا دي عليها
دي لما عرفت الي حصل ........ من الصدمه راحت فيها
وفــــــــــــــــــــــــــــارق
السبت فبراير 06, 2010 2:18 am
