زجل العيد

كل عام وانتوا يااحباب
بخير وصحة وأكلكباب
ده عيد الأضحي يادوب عالباب
والست خالعة درس وناب
عايزة لحمة للبفتيك
ودقيق وسكر نعمل كيك
ولحمة راس من عند ابو دومة
بشملة ولحمة مفرومة
ومراتي تتشال تنحط
لازم اجيب دكرالبط
والفاكهة اشكال وألوان
هو ده بيت ولا دكان
واوعاه ينسي لبس العيد
والبيت يبقي جديد في جديد
والبندق والجوز واللوز
وصاحبنا عامل اراجوز
هو ده عيد ولا عديات
جاتهم خيبة كل الستات